KI 30
30
Visia koro na Araha#Na ki iana o Tavite. Na ki ni hagapuana na Ruma ni Rotu.
1Inê kê kasigo akê, Araha,
suria go hagatahiê.
Igo ko pe hagamarumungenira na merongaku,
ke makimaki teniê.
2Araha, God iaku, inê kê avarasigo,
ma igo ko hagakomagê.
3Inê kê meme noga,
ma igo ko hagamauriê.
Inê kê aporo tenia na kiru.
4Mu kiria na Araha ma kamu visia raha,
igamu hato na kariana, mu toto suria.
Mu takusigi na korohana God, na Araha
ma kamu visia koro renigi.
5Ngaia ki mangariaga surigi na mateni abubu,
ma na korohana ki goga tare ma tarema.
Na enoni ka oba era vari suria na bungiana,
ma i mavoraro ngaira ka obakoro aporo.
6Matena na ramana inê kê vi, vi:
“I asa, vige tarahuê ta na marâ era nikâ.”
7Igo ko korokoro tangê, Araha,
ma ki bâ manga gê ura gatagata
manga na hungana.
Memuri igo ko murisigeê,
ma inê kê anumanuma nikâ.
8Inê kê avarasigo, Araha,
ma kê nungigo, ko tamaniê.
9“I tamanigo vari na mera iaku,
matena ga bagiê i ano?
Na enoni, ga me, ka girara vari,
ga visigo raha?
Ngaira ka girara vari, ga tamasia na korohamu,
i goga tare ma tarema?
10Gu karingê, Araha, ma ku takuiê,
ma ku tamaniê, Araha.”
11Inê kê oba era,
ma igo ko katoê, kê obakoro aporo,
ma kê mâmâ.
Inê ki rugu na obaku,
ma igo ko katoê, kê vagevage aporo.
12Inê be kirigo ma be visigo raha.
I asa iaku, ve muni.
Araha, God iaku,
inê be visigo koro
tare ma tarema.
Currently Selected:
KI 30: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
