KI 29
29
Na raramohana na Araha igê na roga raha#Na ki iana o Tavite.
1Igamu na angero, mu visia raha na Araha.#Ps 96.7-9
Na raramohana ma na bâbâhana mu visigi raha.
2Mu hagahigasia na Araha raha,
manga hanana i araria.
Mu bêrusu tanga God, i raha teha,
i ruma ni rotu iana.
3Na ringena na Araha ki rongo raha i asi.
Na raramohana God ki akurua.
Na ringena na Araha ki tagitagi i asi,
ma ki gugusuhia.
4Na ringena na Araha ki raramohaga teha,
ma ki hagakonera ngavê na enoni.
5Na ringena na Araha ki bogegi na hata,
ki barugigi na hata igê na hungani i Libanone.
6Ngaia ki katogi na hungani i Libanone,
ka asihura mangara na kareta na puruka.
Ngaia ki katoa na hungana i Heremone,
ki asipage manga na bêhâgona na puruka mane.
7Na ringena na Araha ki katoa na marangea,
ki sisiki i vavearo.
8Na ringena na Araha ki ngingia na bena na masusu,
ki ngingia na bena na masusu i Katesi.
9Na ringena na Araha ki abareregi na gugura,
ma ki tahusigi na ahani na apinige ni vapuni.
Ma i Ruma ni Rotu iana
na enoni hato ka ngere, ka vi:
“Ka visia raha God raramohaga hunia!”
10Na Araha ki marungia na matava tara.
Na arahanga iana ki goga tare ma tarema.
11Na Araha ge hagaramonira na kariana,
ma ke vatera na marapeha.
Currently Selected:
KI 29: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
