KI 2
2
Na maneraha God ki atea
1Renia ta na enoni, ga pe tongesuri,#Ac 4.25-26.
ka urapusia God na Araha?
Renia ta ka katogi purua ma
na perenga ma na katoha?
2Na maneraha iata ka urapusia na Araha,
ma ka katoa na perenga.
Ngaira ka katoa na perenga pusia na maneraha,
na ani God ki bani atea.
3Ngaira ka vi: “Na marâ na ta ka na ramata iaterua!
Ge nakagi vê va!”
4Na Araha God i pasina
ngaia ki ruru ma renira.
Ngaia ki rurusira ma
henigi na katoha purua iata.
5Ngaia ki tamasi ni mangariaganiha tangara,
ma ki hagamagusira.
Ngaia ki katora ka mamakuku
renia na mangariaganiha iana.
6Ngaia ki vi: “I Sione, na hungana apuna,
inê kê bani kasia igê, ki maneraha,
na ani gê bani atea.”
7Na maneraha ngekê ki vi: “Mu karingê!#Ac 13.13; He 1.5; 5.5.
Inê be hagarongogamu renia na tamasinga iana na Araha.
Ngaia ki vi tangê, ki vi, ‘I ngekê
igo o kareku, ma inê na vaemamu.
8Gu nungiê ma, ma be haganahunigo
renia na maveta hagenani.
Ma inê be vatego na enoni hato igê,
hanana go marungira.
9Igo ko page hagaitangira,#Rev 2.26-27; 12.5; 19.15.
ma ko page nahuira.
Igo ko page nahuira manga na mane,
i kamaria na apira na hê.’”
10Igamu hato na maneraha,
mu takotako maninga!
Igamu na ani mu marungia na maveta,
mu karingagi na tamasinga iana na Araha.
11I tuguhigamu, mu hanetasia na Araha,
ma kamu têtê viteana.
12Gamu bêtuhia na Araha.
I era ma ki mangariaga tangagamu.
Suria ngaia ki mangariaga garigari,
ma kamu gasuga ni meme renia.
Ga babarisi na enoni,
ga avarasia na Araha,
hanana i anumasira.
Currently Selected:
KI 2: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
