KI 28
28
Avarasia na Araha#Na ki iana o Tavite.
1Inê kê avarasigo, Araha.
Tahingaku, gu karingê!
Manga go pe aganaria na angiha iaku,
inê kê page hakunira na enoni, ga meme.
2Gu anagaria na nunginungi iaku,
matena gê avarasigo.
Igê na hagarahenga inê kê gusi na rimaku
tanga na agua apuna iamu i Ruma ni Rotu.
3Siana ko suriê hagaitangiê henira na enoni era,
henira na ani ga erataga ngavê.
Ngaira ka rongo koro na tamasinga i harata,
ma na kiteniha ki goga i na aitangihata.
4Gu hagaitangira surigi na tauhata,#Rev 22.12.
surigi na bagaparongata.
Gu hagaitangira surigi na tagara iata,
ma ku vatera na meni, ga ararira.
5Ngaira ka pe botage renigi na tagaraha iana na Araha
ma renigi na marâ, i bani hagavoragi.
Tahema igo ko page hagaitangira,
ma ko page hagamagahurura ngavê.
6Ka visia raha na Araha,
suria i aganariê, matena gê avarasia.
7Na Araha ki hagaramoniê ma ki anumasiê.
Inê kê hagêguri togo renia.
Ngaia ki tamaniê ma ki hagakoro obaku.
Inê kê kiria ma kê visia koro.
8Na Araha ki anumasira na kariana.
Ngaia ki hagaramonia ma ki hagatahia
na maneraha, i bani atea.
9Araha, gu hagatahira na kariamu,
ma ku korokoro tangara na enoni iamu.
Gu bêngenira manga na avanu ni sipi,
ma ku marupera tare ma tarema.
Currently Selected:
KI 28: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
