KI 27
27
Raruni togo renia na Araha#Na ki iana o Tavite.
1Na Araha ki mavesiê ma ki hagatahiê.
Ti kê page magutenia?
Na Araha ki anumasia na mêrihaku.
Ti ki page hagamagusiê?
2Na manero ma na merongaku, ga tahariê,
ka page arâ ahehu,
ma ka page votavota i ano.
3Naka ma na rehagaro na mane ni me ka rihiê,
i asa hagetage be magu.
Naka ma na rehagaro na merongaku ka tahariê,
inê kê ama ni raruni togo nga
renia God na Araha.
4Inê kê nungia na Araha
renia na ani gi tage ma na marâ.
Na marâ gi tage togo ma kê obania:
be oga i ruma iana na Araha
suria na mauriku hagenani.
Hanana ve takotako renia na korohana,
ma be nungia, ke bêngeniê.
5Igê na mateni na bagabevoani
ngaia ki page hagatahiê i ruma iana.
Ngaia ki page pinihiê i Ruma ni Rotu,
ma kê page apeape tatara
igê na hungana apuna iana.
6Vikê inê kê page teharira na merongaku,
ga oga rihiê.
Inê kê page vagevagesia na Araha
ma kê page ngerengere,
matena gê vogasi i Ruma ni Rotu.
Inê kê page kiria na Araha,
ma kê page visia raha.
7Gu karingê, Araha, matena gê avarasigo.
Gu takuiê ma ku aganariê.
8Igo ko bani vi: “Gu rahesiê.”
Inê kê arami, kê vi:
“Be rahesigo, Araha.”
9Siana ko murisigeê!
Siana ko mangariaga tangê.
Siana ko paiê, inê na kariamu.
Igo ko bani tamaniê tare.
Siana ko kasiê i ngekê!
God, hagamauri iaku,
siana ko paniê i ngekê!
10Naka ma na enaku karu kasiê,
igo, Araha, ko marupeê nga.
11Araha, go hagesuriê
renigi na obaniha iamu tangê.
Gu bêngeniê igê na tara i tatara,
suria na merongaku ka rako.
12Siana ko mahatangeniê
tangara na merongaku.
Ngaira ka tahariê renigi na hagaparunga iata
ma ka hagamakukiê.
13Inê kê girara, gê page hatamia
na korohana na Araha i maveta ikê.
14Mu hagêguri togo renia na Araha.
Mu raruni togo renia.
Siana kamu raroni era.
Mu raroni koro renia na Araha.
Currently Selected:
KI 27: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
