KI 26
26
Na nunginungi iana na enoni koro#Na ki iana o Tavite.
1Gu suriê koro, Araha,
suria gê paronga koro tare,
ma kê raruni togo renigo bâraha.
2Gu uhungiê ma ku hagatamasiê, Araha,
ma ku surigi na obaniha ma na takotako iaku.
3Na takuiha tare iamu ki bêngeniê,
ma inê kê toto surigo tare.
4Inê kê pe hakunira na enoni, ga era,
ma kê sikasika tenira na enoni bagasusuka.
5Inê kê marakorotenira na enoni, ga erataga,
ma kê pe harekonira na enoni tasi.
6Araha, inê kê tohe, gê matarotaro.
Inê kê rihia na bea ni vogasiha,
matena gê rahesigo.
7Inê kê kirigo ma kê visigo koro,
ma kê tamasigi na tagaraha hato iamu.
8Araha, inê kê vagevagesia na ruma ni rotu,
na ruma go goga igê,
God raramohaga hunigo.
9Siana ko hagamagahuruê
henira na enoni tasi.
Siana ko nahuiê ngavê
henira na ani ga nahu enoni.
10Siana ko hagamesiê
henira na enoni, ga hagabekabeka tare.
Siana ko nahiê
henira na enoni, ga taugi na vatevate.
11Ma inê kê oto tare.
Gu takuiê ma ku hagatahiê.
12Inê kê gatagata igê na otoha.
Inê be kasigo akê, Araha,
matena ga hagarahe haku me na kariamu.
Currently Selected:
KI 26: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
