KI 21
21
Visia koro God renia na maneraha ki teha#Na ki iana o Tavite.
1Na maneraha ki vagevagesia#Mt 27.46; Mk 15.34
na raramohamu, Araha.
Ngaia ki koro teha na obana,
suria go katoa, ki teharira na merongana.
2Igo ko vatea na marâ, i barigigi,
ma ko aganaria na nunginungi iana.
3Igo ko hagakoro obana ngavê tanga,
ma ko hagamahea renia na tarepuri na golo.
4Ngaia ki nungia na mauriha tenigo,
ma igo ko votoa tanga
na mauriha arihu ma tarema.
5Na bâbâhana ki raha,
suria go tamania.
Igo ko vatea, ki tonga na raramohana,
ma ki rongo raha na atana.
6Igo ko korokoro tanga, ki bê ki arâ,
ma na hetamaniha iamu ki hagakoro obana.
7Na maneraha ki hagêguri togo renia na Araha,
i raramohaga hunia.
Ngaia ki apeape tatara, ki bê ki arâ,
suria na Araha ki takuia tare.
8Na maneraha ki page henahuraura na merongana hato,
ma ki page rakura na ani hato, ga ruhia.
9Matena i arâ me,
ngaia ki page hagaerasira ngavê,
manga na ario igê na bagagi raha.
Na Araha ki page hagamagahurura,
suria i mangariaga tangara
ma na gi ki page ngaura.
10I asa ta na hitangita na raraha iata,
vige tahitahi i maveta,
suria na maneraha ki page nahuira hato ngavê.
Ma ki asa ta na hitangita na kareta,
vige tahitahi i berarogata na enoni,
suria ngaia ki page hagamagahurura ngavê.
11Manga ga harikato renia, viga rêrapusia,
ngaira ka page votavota.
12Ngaia ki page hanasira,
ma ngaira ka page gavagava tenia.
13Igami kami kirigo, Araha,
suria go hagabângenia na raramohamu raha.
Igami kami page hagarahasigo,
ma kami page visigo raha
renia na raramohamu.
Currently Selected:
KI 21: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
