KI 20
20
Nungia God tanga na maneraha#Na ki iana o Tavite.
1Inê kê nungia na Araha,
ki aganarigi na nunginungi iamu,
matena ga tarahugo na mamasiaganiha.
Ma ki anumasigo God na araha,
o Jakobo ki rahesia.
2Ma ki hagaguhia vê tenia i pasina
na ani i tamanigo.
Ma ki vatego na hetamaniha
tenia na hungana iana i Sione.
3Ma ki aganarigi na votovoto hato iamu,
ma ki vagevagesigi na vogasiha hato iamu.
4Ma ki vatego na marâ hato, go barigigi,
ma ki hagamonarigi na katoha hato iamu.
5Vigana igami kami page ngerengere vagevage,
renia go teharira na merongaka.
Megami kami page magoto, renia go teha,
ma kami page visia raha God iaka.
Igami kami nungia na Araha,
ki aganarigi na nunginungi hato iamu.
6I ngekê inê kê girara, vi na Araha ki page katoa,
ki tehateha na maneraha,
ngaia ki bani atea.
Tenia i pasina ngaia ki aganarigi
na nunginungi iana.
Na Araha raramohaga hunia ki page katoa,
ki teharira ngavê na merongana.
7Tani ka hagêgurigi na kati ni henahuita,
ma tani ka hagêgurira na hosi ni henahunahu.
Ma igia, igia ka hagêguria na Araha God iaka,
i raramohaga hunia.
8Ngaira ka page tariahehu ma ka votavota,
ma igia, igia ka page arâ otooto,
ma ka rêra gatagata.
9Araha, gu katoa, ki tehateha na maneraha.
Gu aganaria na nunginungi iamami.
Currently Selected:
KI 20: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
