KI 19
19
Na raramohana God igê na marâ, i hagavorara#Na ki iana o Tavite.
1Na vavearo ki hagabângenigi mave
na raramohana God ma na korohana.
Na matava ka visigi mataha na marâ,
God ki bani hagavoragi.
2Na tangiana ki hagarongoa ta na tangiana renigi.
Na bungiani ki hagagirara nogana ta na bungiana.
3Ngaira ka pe tamasi renigi na tamasinge.
Ngaira ka mangumanguaga ma.
4Henaka i manga i ngekana,#Ro 10.18.
ma na ringeta ka râhia na maveta hagenani.
Ma na tamasinga iata ka rongo raha
i na ara ni ariruguni na maveta.
I haha i vavearo God ki bani naka
na atohana na arito.
5Ngaia ki raboa i mavoraro
ma ki togatoga manga na mane,
i rêni tanga na hagataku.
Ngaia ki manga na mane haoru,
i mage ni tangotango ririhu.
6Ngaia ki akê ma ki aharêvoro,
ma ki susu i kereso.
Na bababana ki singira
na ara ni marâ hato.
Na ramata iana na Araha
7Ga koro ngavê na ramata iana na Araha.
Ngaira ka vatera na enoni na ramoha,
ga mauri koro renigi.
Na ramata iana na Araha
ka na morani na ramata,
ga hagamataharira na enoni, ga hite.
8Ka oto ngavê na ramata iana na Araha,
ma ka hagakoro obata na enoni,
ga marupegi.
Ka matarotaro ngavê na ramata iana na Araha,
ma ka mavesigi na obata na enoni.
9Na enoni ki ararira,
viga hagahigasia na Araha,
ma ka têtê viteana tare.
Na suriha iana na Araha ka monari tare,
ma ka oto igê na ara ni tarani.
10I arari, ga barigigi,
teharia na golo.
Ngaigi ki mamaki,
teharigi na pirui matarotaro era.
11Inê ki na kariamu, Araha.
Na ramata iamu ka hagesuriê.
Igo ko vuriê bâkoro,
suria gê marupegi na ramata iamu.
12O ti ki girara i bâsigi
na tasi iana marena?
Araha, gu bonotenigi na tasi iaku,
na ani gê hitenigi.
13Gu urapusiê nikâ tenigi na ani,
gê giraragi vi na tasi.
Siana ko hagamarumungenigi,
ke aharêsiê.
Vikana inê kê page matarotaro ngavê,
ma kê page aharupa
tenia na eraha na tasi.
14Gu aganarigi na tamasinga iaku
ma na takotako iaku.
Araha, igo ki na marungaku
ma na hagamauri iaku.
Currently Selected:
KI 19: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
