KI 16
16
Hagêguri togo renia God#Na ki iana o Tavite.
1Araha God, gu anumasiê,
suria gê hagêguri togo renigo,
ma kê gavagava vê i pasimu.
2Araha, inê kê visigo “God iaku.
Na marâ koro hato, gê nahunigi,
ka râ me tenigo.”
3Na kariana na Araha ka koro teha,
renia ga toto suria.
Inê kê vagevagesira bâraha,
matena gê oga henira.
4Na enoni, ga hagarapera na ataro,
ka page tarahura rako na mamasiaganiha.
I asa iaku, be vogasira na ataro,
se avarasira henira nikâ.
5Igo, Araha, ki na mêrihaku hagenani.
Igo ko marupeê, ki bê ki arâ.
6Na mêriha, go vateê, ki uhu ngavê tangê.
Inê kê vagevagesigi na mahatanga iamu.
7Inê kê visia koro na Araha,
suria i bêngeniê tare.
Igê na bungiana nikâ
inê kê takusia tare na Araha.
8Inê kê girara, vi na Araha ki goga heniê tare,#Ac 2.25-28.
ma ki asa iaku inê, be anumanuma.
9Inê kê obakoro ma kê visigo raha, Araha,
ma kê ape aharupa hagetage.
10Suria go anumasiê pusia na mera,#Ac 13.35.
ma ki asa iaku, ve meme.
I asa iaku, ve meme,
suria go takuiê,
ma inê kê toto surigo.
11Igo ko bêngeniê tare
igê na tara na mauriha mora.
Inê kê vagevage ngavê i pasimu,
ma kê obakoro renia na hetamaniha iamu
tare ma tarema.
Currently Selected:
KI 16: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
