KI 15
15
Na parongana na enoni koro#Na ki iana o Tavite.
1Araha, ti ki oto tanga,
vi bêbanu vê i Ruma ni Rotu iamu?
Ti ki oto tanga, vi rahesigo
i Sione, na hungana apuna iamu?
2Na enoni, i paronga matarotaro tare,
ma ki marupegi tare na ramata iana na Araha.
Na enoni, i tamasi monari tare
igê na mêrihana hagenani.
3Na enoni, i pe torahurira na enoni getera,
ma ki pe hagaerasira na tamana,
ma ki pe tabotabohara renira.
4Na enoni, i usitenira na ani,
God ki kikitenira nogana.
Na enoni, i hagahigasira na ani,
ga tê viteana na Araha.
Na enoni, i hagamonarigi tare na suruha iana,
henaka ma, ma ga tarahua na mamasiaganiha.
5Na enoni, i pe nungia
na hagavarahana na haga iana.
Na enoni, i pe taugi na haga,
ga vatevatea renigi,
hanana vi hagatoraia na enoni koro.
Na enoni, i paronga vigana,
ka arâ bâkoro tare,
ma ki apeape aharupa.
Currently Selected:
KI 15: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
