KI 14
14
Na eraha i pasita na enoni#Na ki iana o Tavite.
Ki 53
1Na enoni, ga hagaiga God i mêrihata,#Ro 3.10-12
ka mangara na enoni, ga bekabekaga.
Ngaira hato ka erataga,
ma na parongata ka era ngavê.
I mareha rârâ na vere tage,
vige marupegi na ramata.
2Na Araha God ki hahutugira so na enoni,
hanana i girarara na ani,
ga tako mataha ma ka rahesia.
3Ma ngaira hato ka râ tasi,
ma ka erataga ngaira hato.
Mareha rârâ, vi na ani gi tage na hitangita,
vige koro.
4Ma ki hagate, ki vi na Araha:
“Ga hite vari ngaira hato?
I bono na usuta vari na enoni,
ga erataga?
Ngaira ka hanago tenira na kariaku,
ma ka hagamamasiagara ngavê.
Ngaira ka tanugi na tarani ngegê,
manga vi na ngêra iata,
ma ka pe rahesiê nikâ.”
5Ma ka page magu ngavê na enoni ngegana,
suria God ki tamanira na ani,
ga tê viteana.
6Na enoni era ka hagaerasigi
na katoha iata na enoni,
ga matareha ma ka haritagi.
Ma na Araha ki hagatahira,
ma ki ama ni anumasira nga,
suria ga hagêguri togo renia.
7Inê kê nungia nga God na Araha,
ki hagatahira na Isiraelita.
Ma i ngekana ka page vagevage ma ka obakoro
na kariana na Araha.
Suria na Araha ki page katogi,
ki arâ bâkoro aporo
na ara ni marâ hato tangara.
Currently Selected:
KI 14: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
