KI 148
148
Hagarahasia na Araha
1Hagarahasia na Araha!
Visia raha na Araha,
igamu hato mu oga i pasina.
2Igamu hato na angero iana,
igamu hato na kariana i pasina,
mu hagarahasia.
3Igamu na arito ma na hageha, mu hagarahasia.
Mu hagarahasia, igamu na higu mave.
4Vavearo, gu hagarahasia.#Gn 1.6-7
Mu hagarahasia, igamu na ve i avorana na vavearo.
5I tuguhira ngaira hato ke hagarahasia na Araha,
suria ngaia ki hagavorara renigi na tamasinga iana.
6Ngaia ki bonasira, viga goga tare igê na atohata,
ma ki asa iata, vige haritohea.
7Igamu hato i maveta, mu hagarahasia na Araha,
ma igamu nikâ na ega i asi ma igê na rutuni.
8Igamu na marangea, na vaha ma na rangi anumaga teha,
igamu nikâ na roga raha, ga tê viteana,
mu hagarahasia na Araha.
9Igamu na hungani ma na barani, mu hagarahasia,
ma igamu nikâ na apinige ni ngauha ma na vapuni.
10Igamu hato na marâ, mu mauri, manata ma na ani vasiga,
ma nikâ na marâ, mu angoango, ma na manu,
mu hagarahasia na Araha.
11Igamu na maneraha ma na enoni hato,
igamu hato, mu raha ma kamu nahunia na ramoha,
mu hagarahasia na Araha.
12Igamu na kare viru ma na vahunani me nikâ,
igamu nikâ na bani nuni ma na kere kare,
mu hagarahasia na Araha.
13I tuguhira ngaira hato, viga hagarahasia na atana na Araha.
Na atana ki rongo raha teharigi na ata getegi hato.
Na raramohana ki teharerua na ano ma na vavearo.
14Ki tuguhira na Isiraelita, viga hagarahasia,
suria ngaia ki koro tangara.
Ngaia ke takuira ma ke hagarakonira, ke nganganihaga.
Hagarahasia na Araha!
Currently Selected:
KI 148: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
