KI 149
149
Na ki na visiha raha
1Hagarahasia na Araha!
Kiria na ki haoru tanga na Araha!
Hagarahasia na Araha,
matena na kariana koro ka rotu haku.
2Isiraelita, mu ageage renia God, i hagavoragamu.
Igamu na kare i Sione, mu ageage renia na Araha iami.
3Mu hagarahasia igê na mâha iami.
Mu tarotaro suria na ringe,
ma kamu tarugigi na gita tanga na Araha.
4Na Araha ki vagevagesira na kariana.
Ngaia ki katora na enoni, ga haritagi, ka tehateha.
5Ke vagevage na kariana God, suria ga teha,
ma ke kiki vagevage suria na bungiana hagenani.
6Ke ngerengere raha ma ke visia raha God na Araha,
matena ga taugi na tatapa masi i rimata.
7Ngaira ka page teharira na merongata
ma ka page hagaitangira.
8Ngaira ka page rakura renigi na seni
na maneraha iata na merongata
ma na ani hato, ga nahunia na ramoha i pasita.
9Ngaira ka page hagaitangira na merongata hato i maveta
suria na ramata iana God tangara.
Ikê nga hanana na kariana God ga tehateha.
Hagarahasia na Araha!
Currently Selected:
KI 149: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
