KI 146
146
Hagarahasia God na hagamauri
1Hagarahasia na Araha!
Ataroku, gu hagarahasia na Araha!
2Inê be visia raha suria na mêriku hagenani.
Inê be kiria God iaku igê na ogaha iaku hagenani.
3Siana kamu hagêguri togo renira na maneraha.
I asa hagetage na enoni, vige hagatahigamu.
4Matena ngaira ka meme, ngaira ka aporo igê na mako.
Igê na tangiana ngekana
ka hatohato igê na katoha hato iata.
5I babarisi na enoni, i tarahua na hetamaniha,
i râ me tenia God, o Jakobo ki rahesia.
I babarisi na enoni, i hagêguria God na Araha iana,
6i hagavoragi na vavearo, na ano ma na asi,#Ac 4.24; 14.15
ma na marâ hato igê.
Ngaia ki hagamonarigi tare na suruha iana.
7Ngaia ki surira oto na enoni matareha,
ma ki hagangêra na ani, ga magê.
Na Araha ki kasira hura na enoni tenia na ruma ni hagaitangiha,
8ma ki hagamaravagi na maata na enoni, ga guru.
Ngaia ki hagamahara na enoni, ga tora higa.
Ngaia ki takuira na kariana, ga koro ma oto.
9Ngaia ki anumasira na mamahuara i pasika.
Ngaia ki tamanira na gete, ga nâ, ma na kare banogo,
ma ki hagaerasira na enoni era.
10Na arahanga iana na Araha ki goga tare.
Sione, na God iamu ki Araha tare, ki bê ki arâ.
Hagarahasia na Araha!
Currently Selected:
KI 146: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
