KI 144
144
Ga babarisi na kariana God na Araha#Na ki iana o Tavite.
1Hagarahasia na Araha, i anumasiê!
Ngaia ki hagagirarê renia na hearihatana,
ma ki hagesuriê renia na henahunahu.
2Ngaia ki anumasiê manga na ruma nganganihaga.
Inê kê rukuruku i pasina,
ma ngaia ki hagatahiê.
Ngaia ki manga na bêata iaku, gê ngahingahi renia.
Ngaia ki nakara i ruguhaku na enoni hato i maveta.
3Inê kê takusia, vi na enoni ki na marâ purua ma.#Job 7.17-18; Ps 8.4
Renia ta igo ko takoha raha renia?
Renia ta igo ko marupea?
4Ngaia ki manga na kere manavasua.
Na mauriha iana ki manga na mamaruha, i ritare.
5Araha, gu tangahia na vavearo ma ku so me.
Gu hatarigi na barani, ma ngaigi ke asêsu.
6Gu katogi na marangea,
ma ku tokorenira na merongamu.
Gu hanasira ma ku hagagavasira.
7Go maroro so me, ku okeê tenia na rutuna.
Gu hagatahiê tenigi na raramohata na ai mahuara.
8Ngaira ka hagahagaparu tare,
ma ka tohetohe vero nikâ.
9Inê be kirigo, God, igê na ki haoru.
Inê be ki tangago,
ma be tarugia na gita iaku.
10Igo ko katora na maneraha, ka tehateha,
ma ko hagatahia na kariamu o Tavite.
11Gu hagatahiê tenira na ani ga nahu enoni.
Gu hagatahiê tenigi na raramohata na ai mahuara.
Ngaira ka hagahagaparu tare,
ma ka tohetohe vero nikâ.
12O karemami ke ramoramo
mangagi na apinige, ga akê nganganihaga.
Ka karemami ke mangagi na u na peta raha, ga bâkoro,
ga hagamahegi na ruguni na ruma.
13Na ruma ni harisi iamami ke vunuvunu
renigi na ani ma vê na ngêra koro.
14Na sipi iamami igê na bena ke apara rako,
ma siana ka hagasiri kare se apara me.
Ke hato na henahunahu
ma na angiha i hinua iamami.
15Ga babarisi na enoni, ga manga ngegana.
Ga babarisi na enoni,
ga hagarapea God, i Araha.
Currently Selected:
KI 144: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
