KI 143
143
Avarasia God#Na ki iana o Tavite.
1Araha, gu aganaria na nunginungi iaku.
Gu karingagi na avarasiha iaku.
Gu aganariê, suria i oto tare na tauhamu,
ma ko hagamonarigi tare na suruha iamu.
2Siana ko hagatamasiê, inê na kariamu.#Ro 3.20; Gal 2.16
Mareha ta na enoni, vige matarotaro i maamu.
3Na merongaku ki bani tavogeniê,
ma ki bani aharêsiê ngavê.
Ngaia ki bani kasiê i ruma ni hagaitangiha, i roto hono.
Inê kê mangara na ani ga bani me hato.
4Tahema inê kê sugi rumakaka.
Inê kê tugupu ngavê.
5Inê kê takusigi aporo na mateni i nago.
Inê kê tako renigi na marâ hato, go bani katogi.
Inê kê takusigi na tauhamu hatohato.
6Inê kê tagare rima tangago, matena gê nunginungi.
Inê kê magêsigo,
manga na mako avagavaga i tenia na rangi.
7Araha, gu aramiê nga i ngekê.
Inê kê raruni era ngavê.
Siana ko murisigeê,
hanana siana kê hakunira na enoni,
ga bani me noga.
8I na ara ni mavoraro gu hagamaraka obaku,
vi igo ko takuiê tare,
suria gê hagêguri togo renigo.
Inê kê ama ni nunginungi nga.
Gu hagagirarê renia na tarana, i tuguhiê.
9Inê kê rukuruku i pasimu, Araha.
Gu hagatahiê tenira na merongaku.
10Igo nga na God iaku.
Gu hagesuriê, be tê viteamu.
Gu korokoro tangê,
ma ku hagaotoê suria na tara oto.
11Araha, gu hagatahia na mêrihaku,
manga go bani surua me tangê.
Gu hagatahiê tenigi na bagabevoani, ga tarahuê,
suria igo ko koro hunigo.
12Gu hagamesira na merongaku,
suria igo ko takuiê.
Gu hagaerasira na enoni hato, ga hagamamasiaga apeku,
suria inê ki na kariamu.
Currently Selected:
KI 143: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
