KI 142
142
Avarasia God#Na vivita ma na nunginungiha iana o Tavite, matena i oga igê na vaba. #
1Inê kê avarasia na Araha, ki tamaniê.
Inê kê ama ni nungia nga na Araha.
2Inê kê visigi tanga na ara ni hagagegeha hato iaku.
Inê kê hagarongoa renigi na mamasiaganiha hato iaku.
3Matena i sugia ma be rumakaka,
ngaia ki bani girara vi na tarana ta ki tuguhiê.
Igê na tara, gê arâ igê,
na merongaku ka sutasuta kariê.
4Matena gê bâ ariguiê,
inê kê pe bâsia ta na enoni, vige tamaniê.
Inê kê pe rigia ta na enoni, vige anumasiê.
Mareha tani, vige tako reniê.
5Araha, inê kê avarasigo, ko tamaniê.
Araha, igo nga ki na anumasiha iaku.
Igo nga kê obanigo bâraha
igê na mêrihaku i maveta ikê.
6Gu aganaria na avarasiha iaku,
suria gê tugupu ngavê.
Gu hagatahiê tenira na merongaku,
suria ngaira ka ramo tehariê.
7Gu hagatahiê tenigi na anumanumaha iaku,
ma inê be hagarahasigo renia na korohamu tangê,
matena na kariamu ka hagarahe haku.
Currently Selected:
KI 142: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
