KI 141
141
Na nunginungi pusia na eraha#Na ki iana o Tavite.
1Inê kê avarasigo, Araha. Gu tamaniê nga!
Gu aganariê, matena gê avarasigo.
2Gu aganaria na nunginungi iaku,#Rev 5.8
manga na marâ, i sigini koro, ga sungia tangago.
Gu aganariê, gê tagare rima,
manga na vogasiha tangago i manurahi.
3Araha, gu hagaotoa na haraku,
hanana siana kê tasitasi
renigi na tamasinga iaku.
4Siana kê tenigi na eraha,
ma siana kê hakunira na enoni tasi
igê na bagatauhata se igê na magotoha iata.
5Manga na enoni koro, ma ki hagaitangiê se i ramoniê,
ngaia ki koro tangê.
Ma inê kê usitenigi hagetage
na tamasinga iata na enoni era, ga nakanaka bêta,
suria na nunginungi iaku ka pusigi na bagatauhata.
6Matena ga kasira vota na maneraha iata igê na tarihu,
na enoni ka page tanga monari,
vi na tamasinga iaku ki monari.
7Na surita ka tâ totoko i na akerena na matahu,
manga ga tâ totoko na ario,
ga bani sitasita ma ka bani vuruvurusigi.
8Ma inê kê ama ni hagêguri togo nga renigo, Araha God iaku.
Inê kê naasigo, vigu anumasiê.
Siana kê meme!
9Gu anumasiê tenira na ani ga sutasuta kariê,
tenira na ani ga tutu kariê.
10Na enoni era ke tu mareta igê na etu iata,
matena inê kê tata hura.
Currently Selected:
KI 141: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
