KI 138
138
Na nunginungi ni visiha koro God#Na ki iana o Tavite.
1Inê kê visigo koro, Araha, i mêrihaku hagenani.
Inê kê kirigo i maata na ataro.
2Inê kê maatia na Ruma ni Rotu apuna iamu.
Inê kê bêrusu ma kê hagarahasia na atamu.
Renia na takuiha ma na totosuriha iamu ka goga tare,
ma ko hagamonarigi tare na tamasinga iamu,
tahema ki rongo raha teha na atamu.
3Igo ko aganariê, matena gê avarasigo.
Na raramohamu ki hagaramoniê.
4Na maneraha hato i maveta ka page hagarahasigo, Araha,
suria ngaira ka bani rongogi na suruha iamu.
5Ngaira ka page kirigi na tauhamu, ka vivi:
“I raha teha na raramohana na Araha.”
6Naka ma igo ko teha ngavê,
igo ko marupera na enoni purua ma haritagi,
ma na enoni paroparo ki asa, vige ahi tenigo.
7Naka ma gê oga igê na bagabevoani,
igo ko bâbâsuriê maninga.
Igo ko hagabarasira na merongaku ramo,
ma ko hagatahiê renia na raramohamu.
8Igo ko page hagamonarigi na ara ni suruha iamu.
Na takuiha iamu, Araha, ki asa, vige page hato.
Gu hatungia na tagaraha iamu.
Currently Selected:
KI 138: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
