KI 137
137
Na hagakitana iata na Isiraelita i Babilone
1Igia ka oga igê na ve i Babilone ma ka angiangi,
matena ga takusia aporo Sione.
2Igia ka kuharenigi na gita iaka
igê na apinige i akereni na ve i ngekana.
3Na enoni, ga bani henauhuraugia
ka vi tangagia ka kiki.
Ngaira ka bonasigia, viga kiki tangara,
ka vivi: “Mu kiria tangagami na ki renia i Sione.”
4Tanu hega igia ka kiria na Araha
i na agua, ga mamahuara igê?
5Manga gê bonotenigo, Jerusaleme,
siana ke tonga na rimaku i otoku!
6Siana ke tonga na meaku,
manga gê pe takusigo
ma kê pe tenigo teharigi na marâ hato getegi!
7Araha, gu takusira na ai ni Etome,
matena ga hagasuhia Jerusaleme.
Gu takusigi aporo na tamasinga iata, ga vivi:
“Hogea ngavê na hinua hagenani.”
8Babilone, ka page hagasuhigo ngavê.#Rev 18.6
I babarisi na enoni, i barugi aporo na marâ,
go bani katogi tangagami.
9I babarisi na enoni, i ranguira na kare bu iamu,
ma ki rahutenira igê na hê raha.
Currently Selected:
KI 137: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
