KI 114
114
Na ki na paseka
1Na Isiraelita ka hura tenia i Esipito,#Ex 12.51
ma na raraha iana o Jakobo ka hura tenia na agua,
ga mamahuara igê.
2I ngekana na Araha ki atera o Juta ma na raraha iana,
ka vora na kariana apuna,
ma ngaia ki marungia i Isiraele.
3Na Asi Memera ki bâ ma ki gava.#Ex 14.21; Js 3.16
Na ve i Jotano ki sugare.
4Na barani ka kapekape mangara na goti.
Na hungani ka rekereke mangara na kareta na sipi.
5Asi, na ta ki katogo ko gava?
Migo, Jotano, renia ta ko sugare?
6Igamu na barani,
tanu hega mu kapekape mangara na goti?
Megamu na hungani,
tanu hega mu rekereke mangara na kareta na sipi?
7Maveta, gu gisigisi i maana na Araha,
i maana God o Jakobo ki rahesia.
8Renia ngaia ki katoa na verake, ki vora na rano#Ex 17.1-7; Nu 20.2-13.
ma na parisihê ka vora na ve banga,
ga gogogo bâkoro.
Currently Selected:
KI 114: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
