KI 113
113
Visia raha God renia na korohana
1Hagarahasia na Araha!
Igamu na kariana na Araha,
mu hagarahasia na atana.
2Ge hagarahasia na atana na Araha
i ngekê, ma tare, ki bê ki arâ.
3Igamu kerekê ma kereso,
mu hagarahasia na atana na Araha.
4Na Araha ki marungira na enoni hato i maveta.
Na raramohana ki raha teharia na vavearo.
5Ti ki maratorana na Araha God iaka?
Ngaia ki oga igê na atohana i haha.
6Ngaia ki sira bê vato,
hanana i hahutugirerua na vavearo ma na ano.
7Ngaia ki ragera akê na enoni matareha ma baguru
tenigi na mamasiaganiha iata.
8Ngaia ki kasira akê henira na maneraha,
ma na kariana ka hagahigasira.
9Ngaia ki hagakoro obana na gete, i gomara,
suria i kato, ki apara kare ma ki vagevagesira.
Hagarahasia na Araha!
Currently Selected:
KI 113: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
