KI 112
112
Na enoni koro ki nahunia na vagevageha
1Hagarahasia na Araha!
I babarisi na enoni, i tê viteana na Araha,
ma ki vagevagesigi na ramata iana.
2Na enoni ka page hagahigasira na karena na enoni koro,
ma na raraha iana ka page nahunia na ramana.
3Ka ama ni rakorako nga i pasina na ruruguha ma na nahuninga,
suria ngaia ki râ tare suria na otoha.
4Igê na roto hono na Araha ki mavesia na enoni koro,
suria ngaia ki nganganihaga igê na takuiha
ma igê na koroha ma na otoha.
5Ngaia ki babarisi,
suria i pe turia na varahana raha na hagaba tenia,
ma na tagaraha ni haga iana ki oto.
6Na enoni koro ki asa, vige votavota.
Na enoni ki asa iata, vige pe bonotenia,
vi ngaia ki na enoni koro.
7Ngaia ki pe gagêmaga renigi na rongoha era,
suria i nganganihaga igê na tongesuriha,
ma ki hagêguri togo renia na Araha.
8Ngaia ki pe anumanuma se vige magu,
suria ngaia ki girara,
vi page teharira na merongana.
9Ngaia ki mamahata tangara na enoni matareha.#2 Co 9.9
Na korohana ki asa, vige page hato.
Ma na enoni ka ama ni hagahigasia nga.
10Na enoni era ka bâsia na tarana ngekê
ma ka mangariaga.
Ngaira ka kurukuru rivo ma ka hagaramo,
ma na katoha iata ka magahuru ma vê hagetage.
Currently Selected:
KI 112: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
