KI 11
11
Hagêguri togo renia na Araha#Na ki iana o Tavite.
1Inê kê hagêguri togo renia na Araha,
suria ngaia ki anumasiê tare.
Renia ta ko tamasi bekabekaga tangê?
Ko vi: “Gu gava tange na hungani.
Gu gaha vê manga na manu.
2Suria na enoni erataga
ka bani rohegi na epage iata.
Ngaira ka bani hagêrasigi na mage iata
igê na varoni na epage.
Ngaira ka migiahi igê na agua pinihi,
hanana ga hanasira na enoni koro.
3Manga na enoni,
ma ka oga purupuru renigi na ramata,
na ta ka page tanua na enoni koro?”
4Na Araha ki goga i na ruma apuna iana.
God ki oga so igê na atohana.
Ngaia ki hahutugira na enoni
i na ara ni agua hato.
Ngaia ki giraragi na ara ni marâ hato,
ga tanugi na enoni.
5Ngaia ki girarara na ani ta ka koro
ma na ani ta ka era.
I mêrihana hagenani
ngaia ki ruhira ngavê na enoni,
ga aharê igê na ramata.
6Ngaia ki kasi na gi ma na hê karekare ni sivi
hurira na enoni, ga era.
Ngaia ki hagaitangira
renia na bababana na gi.
7Na Araha ki oto
ma ki obania na otoha.
Na enoni, ga koro ma oto,
ka page mauri i pasina.
Currently Selected:
KI 11: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
