KI 12
12
Avarasia na Araha#Na ki iana o Tavite.
1Araha, gu tamanigami,
suria na enoni hato ka erataga.
I mareha rârâ ta ani, vige koro
i berarogata na enoni.
2Ngaira hato ka hagahagaparura heri,
ka nakanaka bêta,
ma ka hagahagabekasira heri.
3Araha, gu retegi râ na meata na ani,
ga hagahagaparu.
Gu katora, ke muni so na enoni,
ga tamasi paroparo.
4Suria ngaira ka vi: “Igami kami teha
renigi na tamasinga iamami.
Na enoni ka gahe surigi na tamasinga iamami.
O ti ki hagabungigami?
Mareha!”
5Ma ki vi na Araha:
“I ngekê ki na matena iaku.
Suria ga hagaerasira na enoni matareha,
ma ka katora, ka hagagegege.
Inê be hagatahira na enoni matareha,
ma be aganarigi na nunginungi iata.”
6Na Araha ki hagamonarigi tare
na suruha iana.
Ga monari ngavê na tamasinga iana,
ga hagêguri togo renigi tare.
7Igo, Araha, gu bâsurigami,
ma ku anumasigami tare
tenira na enoni era ngegana.
8Suria na enoni era ka gamorahigami,
ma ki ama ni raramohaga nga na eraha.
Currently Selected:
KI 12: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
