KI 10
10
Na nunginungi ni otoha
1Renia ta ko arege, Araha?
Renia ta ko ahi,
matena ga tarahugami na bagabevoani?
2Na enoni, ga erataga, ka paroparo,
ma ka merongasira na enoni matareha.
Ngaira ka tura na enoni matareha
renigi na tu iata.
3Na enoni, ga erataga,
ka paroparo renigi na teniha era iata.
Na enoni maongoga ka visia bera na Araha,
ma ka marakorotenia.
4Na enoni, ga erataga,
ka pe gagêmaga renia na Araha.
Ngaira ka paroparo,
ma ka hagaiga God na Araha.
5Na enoni era ka korokoro tare
igê na ara ni marâ, ga tanugi.
Ngaira ka hitenigi na suriha iana na Araha,
ma ka rurusira na merongata.
6Ngaira ka tohetohe, ka vivi:
“Igami kami tehateha tare.
I asa iamami,
vigami page vota.”
7Ngaira ka guharira tare na enoni,#Ro 3.14.
ka hagaparura ma ka hagamakukira.
Ngaira ka tamasi erasira tare na enoni,
ma na tamasinga iata ka pe oto.
8Ngaira ka gamorahia na hinua,
hanana viga nahuira na enoni koro.
Ngaira ka bâbâ renira na enoni koro,
hanana viga page nahuira.
9Ngaira ka ababa igê na ahiahi iata
mangara na o vasiga.
Ngaira ka ahiahi karira na enoni matareha,
ma ka tura,
ma ka okeke rataratagenira.
10Ngaira ka gaha vurusira na enoni, ga koro,
ma ka nahu erasira ka vota i ano.
11Na enoni era ka takotako, ka vivi:
“God ki pe botage renigi.
Ngaia ki pe sira me.
I asa iana, vige bâsigami.”
12Araha, gu hagaitangira
na enoni era ngegana.
God, gu tamanira na enoni,
ga hatamigi na mamasiaganiha.
13Tanu hega na enoni era
ka ruhigo, Araha?
Tanu hega ngaira ka tako i obata, ka vivi:
“Ngaia ki bara, vige hagaitangigami?”
14Ma igo, Araha, ko pe guru.
Igo ko bâsigi na bagabevoani.
Igo ko bâsigi na mamasiaganiha,
ma na hetamaniha iamu ki nanêgi tare.
Na enoni matareha ka hagêguri togo renigo,
ma igo ko tamanira tare na kare banogo.
15Gu hatungigi na raramohata na enoni era,
ga katogi na eraha.
Gu hagaitangira renigi na tauhata era,
mataro me ka magahuru hagetage.
16God, igo ko araha tare ma tarema.
Na maveta ki na animu.
Igo ko page paira hura tenia na ano
na enoni, ga pe rahesigo igo.
17Araha, igo ko page aganarigi
na nunginungi iata na enoni matareha.
Igo ko page hagakanura,
ma ko page tamanira.
18Igo ko page surira koro na kare banogo
ma na enoni, ga hatamigi na mamasiaganiha.
Ma vikê ki asa na enoni, ga era,
vige page hagamagusira nikâ.
Currently Selected:
KI 10: KCB
Highlight
Share
Compare
Copy
Want to have your highlights saved across all your devices? Sign up or sign in
© 2011 Bible Society of the South Pacific
