NA MARAMARÊRAVA 9
9
Na takoha mataha ma na bekabekaniha
1Na takoha mataha ki bani tagarahia na ruma iana.
Ngaia ki nahunigi na u na hê gi pi.
2Ngaia ki bani nahuira na ganiani.
Na vaini mora ka nanê.
Na ara ni marâ ka nanê tanga na magotoha.
3Vikê ngaia ki bonasira na kere gete tagara iana
ka râ ka tagere igê na rekena na hinua,
ma ka ngere ka vi:
4‘Igamu mu bonoani, mu râ me!
Igamu mu pe nahuni takoha,
mu banu me!
5Mu ngê na ngêra iaku
ma kamu tono na vaini iaku
gê bani nanê renigi.
6Nakara vê na ani ga bekabekaga
hanana mu mauri.
Mu arâ suria na tara ni aitangisiha.’
7Manga go uhungia vigu hagaotoa
na ani i paroparo ngavê,
e, ngaia ki page guharigo.
Manga go ramonia na ani i erataga,
e, ngaia ki page hagamamasiagago.
8Siana ko hagaotoa na ani i paroparo ngavê.
Ngaia ki page merongasigo renia.
Ma ki manga go hagaotoa na ani i tako mataha,
ngaia ki page hagahigasigo renia hete.
9Na tamasinga iamu tanga na ani i tako mataha
ka katoa ki kahu takotako mataha ngavê.
Na hagesuringa iamu tanga na ani i tê viteana God
ki katoa ki kahu raharaha ngavê na giraraha iana.
10Manga go obania vigo takotako mataha,
ki tuguhigo go hagahigasia na Araha.
Manga go obania vigo nahunia na aitangisiha,
ki tuguhigo go girara na Araha God.
11Inê, na takoha mataha,
kê haganahunigo renia na mêriha arihu.
12Manga go tako mataha, igo ko page akê me bâkoro.
Ma ki manga go bekabekaga,
igo ko hagaratemu maremu.
13Na bekabekaniha ka na gete i gatagata,
ki pe nahuni takoha ma ki asa vige maki.
14Ngaia ki gâga i maani ruma iana,
se igê na âgâga igê na rekena na hinua.
15Ngaia ki ngirira na enoni ga riri i ngekana
tangagi na tagaraha iata, ki vi:
16‘Igamu mu bonoani, râ me!
Igamu mu pe nahuni takoha, mu banu me!
17Na ve ga hanagoa ki tono koro teharia na ani getea.
Na bereti ga hanagoa ki ngê koro ngavê.’
18Na ani ga tê viteana ka pe hagare,
vi na ani ga bêbanu i pasina ka page meme,
ka page arâ tanga na agua iata na enoni ga bani me.
Currently Selected:
NA MARAMARÊRAVA 9: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
