ESEKIELE 19
19
Na ki ni hetakiha
1Na Araha ki bonasiê, kê kiria na ki ni hetakiha ikê renirerua na maneraha ni Isiraele.
2Kenamurua ki na laione, i bâkoro ngavê.
Ngaia ki mera tâ na karena,
na bêhâgata ramo ngavê.
3Ngaia ki atea na hitangita na karena,
ma ki marupea, ki raha ma ki ramo.
Ngaia ki hagesuria, ki gagari
ma ki ngasingasi enoni.
4Na enoni i maveta ka rongo tarohana
ma ka harikato renia.
Ngaira ka suta karia ki vota igê.
Ngaira ka area
ma ka oke babahenia tanga i Esipito.
5Na kenana ki nanasi tanga rârâ
ma ki tako bare so.
Ma hemuri ki atea na ruata na karena
ma ki marupea, ki raha ma ki ramo.
6Ngaia ki vora na laione,
i ramo teharira na tamana.
Ngaia ki hagesuringenia, hanana i gagari
ma ki ngasingasi enoni.
7Ngaia ki hogegi na ruma nganganihaga
ma ki ruhuruhugi na hinua.
Na enoni i na agua ka bubununuga
i na ara ni matena i ngunguru.
8Na mane ni me i na agua getigi
ka pane haku ka meheariha.
Ngaira ka suta karia, ki vota igê.
9Ngaira ka rakua ka purusia ma ka area,
ma ka torea tanga na maneraha i Babilonia.
I ngekana ngaira ka purusia i ruma ni hagaitangiha
ma ka bâsuria igê,
hanana siana ki rongo raha nikâ
na ringena igê na hungani i Isiraele.
10Kenamurua ki manga na apinige na vaini,
ga bani hasia hagarangia na ve
igê na mako i magarohaga.
Ngaia ki suru ma ki hunguhungu bâkoro.
11Na arani ka nganganihaga
ma ka ararigi tanga na vatona na maneraha.
Ngaigi ki borahu ki akê,
ki tariha igê na vaha i vavearo.
Na enoni ka konetenia,
i suru ma ki borahu.
12Ma ta na enoni ki mangariaga ngavê,
ma ki piria akê
ma ki kasia so i ano.
Na roga mahana tenia i kerekê
ki hagamêgugi na guani.
Ngaia ki barugigi na arani.
Ngaigi ki maria ma ka sungigi.
13I ngekê ka bani hasia igê na manihê raha,
igê na mako i bêratega ma ki avagavaga.
14Na apena ki tanga renia na gi.
Na gi ki ngaugi na arani ma na guani.
Na apena ki asa, vige page papêhu nikâ.
Na arani ki asa, vige vora re nikâ
na vatona na maneraha.
Ngaia ka na ki ni hetakiha,
ga bani kiria ki râ me.
Currently Selected:
ESEKIELE 19: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
