ESETA (Greece) (C)
(C)
Ngaia ki vi: “Gu vi tanga ka Eseta, ko vivi, ‘Takusia na matena go oga igê na mamasiaganiha ma inê kê marupego. Hoita, suria o Hamane i ruata me tanga na maneraha ki bani nungia na maneraha, hanana viga mutegia, gu avarasia na Araha, gu tamasi tanga na maneraha renigia ma ku hagatahigia.’ 9[9] O Hatage ki kato vikana. 10[10] Ka Eseta ki hagatorangenia aporo tanga o Moretekai, ki vi: 11[11] “Manga ta na enoni, na mane se na gete, ma ki bêbanu i pasina na maneraha igê na kiboru i na akerena na mahera ni ruma raha, ma na maneraha ki pe unia hanana vige arâ me, na enoni ngekana ka nahuia nga ki meme. Na ramata kani râ vikana. Na enoni hato ka bani girara me vikana, haganega tenira na mane ni hagaotonga iana na maneraha i râ me tangara na enoni surigi na ara ni apaneni hato. Na tarana gi tage ma na enoni ki girara i tahitahi igê. Ngaia ki manga ikê. Manga na maneraha ma ki usia na enoni ngekana renia na vato na golo iana, hoi, na enoni ngekana ki girara i tahitahi. Ma ki bani hato noga na hageha gi tage ma na maneraha ki pe uniê i pasina.”
12[12] Matena o Moretekai ki rongoa na tamasinga iana ka Eseta, 13[13] ngaia ki kasi tamasinga aporo tanga ka Eseta, ki haganunua, ki vi: “Siana ko takusia vi igo ko page tahi renira na Siu getera, suria vi igo ko oga i ruma raha iana na maneraha. 14[14] Manga go gâga purua ma igê na matena manga i ngekê, na hetamaniha ki page arâ me i tagua tangara na Siu. Na Siu ka page tahitahi, nga noga ma igo ko page meme ma na raraha iana o vaemamu ki page magahuru. Ti ki girara? Vari tanga na matena vikê kanigo vora re na kaniana na maneraha!”
15[15] Ka Eseta ki kasi tamasinga tanga o Moretekai, ki aramia, ki vi: 16[16] “Gu unira haku na Siu hato ga oga i hinua i Susa. Mu harihari ma kamu nungia God ki tamaniê. Siana kamu ngêngê se mu totono surigi na tangiani ma na bungiani gi oru. Igami nikâ, na kere gete tagara iaku menê, igami kami katokato vikana nogamami. Ma hemuri inê kê page arâ i pasina na maneraha, naka ma gê aharêngia na ramata. Manga gê meme, suria vigê kato vikana, i koro ma.”
17[17] O Moretekai ki aharaga vê ki râ ma ki katogi na marâ ka Eseta i hagatora renigi.
Currently Selected:
ESETA (Greece) (C): KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific