BUKA NI TAKOHA 11
11
Manga i he ka tanugi maninga na marâ?
1Siana ko magu vigu hagatagarahigi na haga iamu. Vari i ta na matena ko girara ko tavoa na varahani. 2Siana ko hagatagarahigi na haga iamu igê ma na agua gi tage, ma igê hete na agua haritamani se rako, suria go pe girara vi na bagabevoana ta ki page akê me.
3Na apinige, henaka ge baro ke râ i na agua mavê ngaia ki tâtâ nga i ngekana. Matena na roto ka vunuvunu renia na ve, ngaigi ka rangisia na ano. 4Manga go obania ma, vigo hasihasi igê na matena, i korokoro ngavê igê na roga ma ki hagagara koro ngavê na ara ni marâ tanga na hasinga, igo ki asa iamu vigu page hasia ta na marâ. Tahema i hemuri ki page asa vige tongasigo na ngauha. 5Igo ki asa vigu aitangisia, manga i he kani arâ na roga. Igo ki asa vigu aitangisia na mêriha haoru vi manga i he kani haganega i obana na gete i obara. I tagenana ma igo ko pe aitangisigi na tagaraha iana God, i hagavoragi na ara ni marâ hato. 6Go hasihasi i mavoraro ma nikâ i manurahi, suria go pe girara, vi ngairerua hato ka vavaka bâkoro se igê ma na hetangiterua.
Na hagaotonga tangara na ani ga karekare
7I koro tangago vigo vagevagesigi na mavetana na tangiana ma na arito. 8Go visia koro God renigi na ara ni harisi go oga surigi. Henaka go mêri arihu, go takusia tare, vi igo ko meme su. I mareha rârâ ta na marâ, vigu naasia, nga noga ma na mera.
9Igo na enoni haoru, go vagevagesia na ogaha iamu, matena go karekare. Igo ko obakoro matena go karekare. Go tanugi na marâ go obanigi ma ko arâ surigi na parongamu. Ma ko takusia tare, vi God ki page surigo surigi na ara ni tauhamu.
10Siana ko takoha bâraha. Go ototo surigo maremu, hanana go apeape koro, suria i asa vigu karekare ke arihu.
Currently Selected:
BUKA NI TAKOHA 11: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
