BARUKU 5
5
1Jerusaleme, tasigi râ na tarisigani na gahu,
go hagesuru re,
matena go angi maramara ma ko obaera,
ma ko tuguni tare renia nga hete
na bâkorohana ma na raramohana God.
2Gu aruha renia na otohana God.
Gu tarepuri renia na arahanga iana God,
i bani oga me ma tarema.
3God ki page hagabângenia na raramohamu
tangara na enoni hato i maveta.
4Ngaia ki page hêtamu, vi
“Marapeha tenia na otoha,
Ramana tenia na tê vitana.”
5Jerusaleme, tagere ku ura igê na hungana.
Gu bâ bêkê ma bêso.
God apuna ki bonasira na karemu,
ka haku aporo me.
Ngaira ka vagevage,
suria God ki takuira aporo.
6Ngaira ka aharaga tenigo so
ma ka têgi vê na tara hatare ka râ,
matena na merongata ka henahuraura.
Ma i ngekê God ki torera ahaha aporo me tangago
mangara na enoni raha.
7God ki bani bonasigi na hungani ma na barani
ka anuigi na maruguni, ki hatara,
hanana na ai ni Isiraele ka arâ tatahura igê,
matena ga aporo i pasita igê na raramohana God.
8God ki bani bonasigi na vapu
ma na apinige ga sigini koro,
hanana ka mamarusira na ai ni Isiraele.
9God marena ki page bêngenira
ma ki page ngahisira tare na Isiraelita.
Ngaira ka page vagevage ngavê,
matena ga aporo me tanga i pasita,
suria God ki takuira ma ki koro tangara
ma ki mavesira renia na raramohana.
Currently Selected:
BARUKU 5: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific