Daut Leet 7
7
Hee
1Komm, komm trigj,
du best aules waut ekj mie wensch,
lot mie seenen woo du daunzen deist.
See
Wuarom west du seenen, wan ekj
hia soo daunz aus Armeeen em Kaumf?
Hee
2Diene Feet loten schmock en Sandalen,
du mien Schauz, miene Prinzessin vom Volkj.
Diene Schinkjes sent runt aus ne Haulskjäd,
dee een Kjensla lenjdhan jeformt haft.
3Dien Nowel es runt aus een Komkje,
daut nich ladich woat von onsen Wien;
un dien Buck es soo golden un runt,
aus een Klompen von licht bruna Weit,
dee runtom schmocke Lelje haft stonen.
4De Brost es een Poakje Gazellen.
5Dien Hauls es soo steil aus een Schutz Torm;
du hast Uagen aus de Wota en Heschbon
bie daut Puat von Bat Rabim.
Aus de Torm en däm Libanon,
no Damaskus han, steit,
es de Näs, huach un steil.
6Dien Kopp tieekjent ut aus de Karmel,
de Boajch dee soo schmock un huach steit.
De Hoa opp dien Kopp schemmarieren aus Purpur,
en de Walen kunn een Kjennich sikj velieren.
7Die lat et soo schmock, miene scheenste,
mien Schauz, du moakst Freid en mien Hoat.
8Du best schlank un soo steil aus een Paulmboom,
un de Brost es aus Pungels von Frucht.
9Opp däm Paulmboom woa ekj nu nopp stieen
un nämen de Pungels von Dautlen.
To de Brost woa ekj mie freien
aus to Wiendruwen Pungels;
aun dien Odem mien scheen gonen haben,
aus bie seete un sauftje Apel.
10Oo, dien Mul woat soo sennen aus Wien,
dee soo seet äware Leppen un Tänen
mie kjwalt, du mien Schauz.
See
11Ekj jehia mienem leefsten,
un hee haft velangen no mie.
12Komm, du mien scheensta,
opp de Stap well wie gonen un mank
wille Bloomen dän Owent vebrinjen.
13Well wie tiedich nom Wiengoaden gonen,
un de Blieechsels un Kjiensels beseenen;
doa Granat Apelbeem Bloomen rikjen,
un dan jäw ekj mie die, gaunz un goa.
14De Leew Apel rikjen soo seet,
rome Däa es veschiedenste Frucht,
doa es soont aus von ea, un freschet;
krakjt fa die hab ekj dee soo jeschoont,
du mien leefsta, mien Schauz.
Currently Selected:
Daut Leet 7: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
