Daut Leet 8
8
1Ekj wensch mie du wieescht aus mien Brooda
dee toop met mie kjlien jewast es,
dan kunn ekj, wan wie ons wua troffen,
die kussen, un kjeena brukt schellen.
2Ekj neem die en Mutta äa Hus nenn,
en de Stow wua ekj kjlien jewast wia,
un dan jeef ekj die mien Wien to drinkjen,
miene Sauft von Granat Apel Frucht.
3Siene linkje Haunt helt mienen Kopp,
un de rajchte drekjt mie aun am naun.
4Vespräakjt mie, Mejales von Jerusalem,
daut jie dee, dee sikj goot sent, nich stieren,
bat see nuach haben von äare Leew.
De Schluss
De Frind
5Nu kjikjt wäa hia kjemt von de Wiltnis,
un woo see sikj opp äaren scheensten länt.
Hee
Unja däm Aupelboom wakjt ekj die opp,
wua diene Mutta äare Weeen aunkjeemen,
wua de Mutta die emol to Welt brocht.
6Hool du mie aus een Rinkj rom dien Hoat,
aus een Braunt ooda Tieekjen aum Oarm.
Onse Leew blift soo lang aus de Doot;
un de Liedenschoft drift aus de Doot.
Äare Feilen sent aus Fia,
un dee flaumen aus Blitz. #(6 un 7) Mat 19,5-6; 22,30; Reema 7,2; 1Mo 2,24; Efs 5,28-33
7Daut Fia von de Leew jeit nich ut von een Wota,
un Riefasch kjennen daut nich wajch wauschen.
Wan uk wäa aules jeef en sien Hus,
om de Leew to bekjeepen, wudd de Maun
met sien Jelt toop veacht woaren.
See
8See säden: Onse Sesta es too junk fa een Schauz,
äare Brost es noch nich naunjewossen.
Waut sell wie fa de Sesta noch doonen,
wan wäa no ar frieen kjemt?
9Es see plaut aus ne Waunt,
moak wie Folden von Selwa;
es see jlikj aus ne Däa,
straum wie dee ut met Zeeda.
10Ekj sie eene Waunt,
miene Brost haft uk Folden;
un mien Schauz jleeft ekj sie
nu uk groot.
Hee
11Kjennich Salomo haft eenen Goaden
unja Wajchta em Tol von Baal Hamon;
jieda Wajchta brocht 1.000 Stekj Selwa
nom Kjennich fa dee scheene Frucht.
12Mien Wiengoaden es gaunz mien ieejna;
jane dusende lot ekj fa Salomo,
un dee 200 fa jieda Wajchta.
See
13Ach mien Schauz en däm Goaden,
de Frind horchen, auf du waut sajchst;
lot mie hieren waut du sajchst.
14Komm schwind häa, du mien Schauz,
aus Gazell ooda Ree,
opp de Boaj met Jewerz.
Currently Selected:
Daut Leet 8: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.