Psalmen 98

Een Jubelleet, daut Gott en aule Welt de Bowahaunt haft

1Sinjt däm Harn een nieet Leet väa, wiels hee deit Wunda; hee haft derch siene rajchte Haunt un sien heiljen Oarm äwa aul siene Fiend jewonnen. #Psa 33,3; Jes 59,16; 63,5 2De Har haft ons jewäsen, woo hee raden kaun, hee haft de Velkja daut kloa jemoakt, daut hee jerajcht es. 3Hee bewees Israel wada, woo truhoatich un leeftolich hee Frieejoa to an jewast wia. De gaunze Welt haft jeseenen, woo hee raden deit. #Jes 52,10

4Lot de gaunze Welt äwa däm Harn juchen; stemt een scheenet Leet aun, un loft am. 5Loft dän Harn met Hoapenspell, met Instrumenten un sinjen; 6met Drommeln un Trompeeten bewiest dän Harn un Kjennich june Freid. #Psa 93,1 7Lot daut Mäa ruzhen un aules waut doabennen es, de Ieedboddem un dee doabowen wonen. #Psa 96,11-13 8Lot de Riefasch met de Henj klautschen. Lot de Boaj met Freiden toop sinjen. 9Lot dee ver däm Harn sinjen, wiels hee kjemt de Ieed to rechten. Hee woat de Welt jerajcht rechten, un de Velkja soo aus daut rajcht es.

Currently Selected:

Psalmen 98: PB

Highlight

Compare

Copy