Psalmen 97
97
De Kjennich von de Ieed un sien Volkj
1De Har es Kjennich, lot daut Ieedrikj sikj freien, un lot de väle Inseln froo sennen. #Psa 93,1 2Dikje diestre Wolkjen sent om am, Jerajchtichkjeit un Jerecht sent de Grunt von wuarut hee rejieet. 3Ver am jeit een Fia, daut siene Fiend aun aule Sieden ombrinjt. #(3 un 4) Hab 3,4 4Siene Blitzen dachen äwa de Welt; de Ieed sitt daut un scheddat. 5De Boaj veschmelten aus Waus ver däm Harn, ver däm Harn äwa de gaunze Welt. #Jos 3,13 6De Himmel moaken bekaunt, woo jerajcht hee es, un aule Velkja seenen, woo harlich hee es. #Psa 67,5-6; Jes 24,21-22
7Wäaemma Jettabilda aunbät un met siene Jetta pucht, woat toschaund; de Jetta motten aula Gott aunbäden. #Jer 46,25; Heb 1,6 8Zion hieet daut un es froo, un Juda siene Dajchta freien sikj uk, daut de Har rajcht rechten deit. 9Wiels du, Har, best de Aulahechsta äwa de gaunze Welt; du steist huach äwa aule Jetta. #2Mo 15,11
10Jie, dee jie dän Harn goot sent, stalt junt jäajen daut beese! De Har bewoat siene heilje äare Seelen; hee rat an ut däm beesen siene Henj. 11Dän jerajchten mott daut Licht emma wada oppgonen, un daut fromme Hoat mott froo woaren. 12Jie jerajchte, freit junt em Harn un dankt am fa aules waut hee deit.
Currently Selected:
Psalmen 97: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
