Psalmen 99
99
De heilja Gott es ons Kjennich
1De Har es Kjennich, doawäajen zetren de Velkja; hee sett tweschen de Cheruben, doawäajen bewäacht sikj de Ieed. #Psa 93,1; 18,11 2De Har es groot en Zion un huach äwa aule Velkja.
3Lot an dän Harn sien grooten wundaboaren Nomen lowen; hee es heilich. 4De stoakja Kjennich es doaropp ut, rajcht to schaufen. Du moakst fromm! Du hast fa Israel jeschaufen, waut jerajcht un rajcht es. #Jes 9,6 5Ieet dän Harn onsen Gott, un bät am aun ver siene Footbenkj, wiels hee es heilich. #1Chr 28,2; Psa 132,7-8; Kloag 2,1
6Moses un Aaron wieren mank siene Priesta, un Samuel wia mank dee, dee sienen Nomen aunroopten; dee roopten dän Harn aun, un hee auntwuad an. 7Hee räd to an derch een Wolkjenstenda, un see hilden siene Jesazen un Ordnungen, dee hee an jeef.
8Du, Har ons Gott, jeefst an eene Auntwuat. Du wieescht fa Israel een Gott, dee an vejeef, oba dee daut orrajcht stroft. #2Mo 34,7 9Loft dän Harn onsen Gott, un bät am aun bie sienen heiljen Boajch. Wiels de Har ons Gott es heilich.
Currently Selected:
Psalmen 99: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
