Psalmen 95
95
Jehuarsom needich om Gott auntobäden
1Komt, well wie met Leeda dän Harn lowen, un ut Freid juchen un onsen Harn lowen, dee ons rat un secha helt. 2Well wie dankent ver am komen un am met Jesank un Musikj ieren. 3Wiels de Har es de groota Gott, de groota Kjennich äwa aule Jetta. #2Mo 15,11 4En siene Haunt es aules, waut unjen en de Ieed es, un de Boaj bat en de hechste Spetzen sent uk siene. 5Daut Mäa es uk sient, wiels hee muak daut, un siene Henj haben uk daut drieeje Launt jeschaufen.
6Komt, well wie am aunbäden un ver am kjneeen un hanfaulen ver däm Harn, dee ons jemoakt haft. 7Wiels hee es ons Gott, un wie daut Volkj opp siene Weid un de Schop fa dee hee sorcht. Wan jie vondoag siene Stemm hieren, #Psa 100,3; Joh 10,27-28 8dan vehoat june Hoaten nich, soo aus bie Meriba passieed, bie Massa en de Wiltnis, #(8-11) Heb 3,7-8; 4,7 9wua june Vodasch mie vesochten un opp de Proow stalden, wan see miene Woakjen uk aul jeseenen hauden. #2Mo 17,2.7 10Dit Volkj es mie 40 Joa jäajenaun jewast, soo daut ekj säd: Daut es een Volkj, dee em Hoat erren un miene Wäaj nich lieren wellen. 11Doawäajen schwua ekj en mienem Oaja, daut see nich en miene Ru Städ nenn komen sellen, dee ekj an vesproaken haud. #4Mo 14,22-23; Heb 4,3
Currently Selected:
Psalmen 95: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
