Psalmen 90

Daut vieede Buak

(Psalmen 90 – 106)

Gott es eewich, de Mensch vejeit

1Dän Gottesmaun, Moses, sien Jebäd. Har, du best emmawajch onse Tooflucht. 2Ea de Boaj verendach jebrocht worden, ooda ea du de Ieed un de Welt häastalsd, best du Gott en aule Eewichkjeit.

3Du, dee de Menschen stoawen latst un sajchst: Komt wada Menschenkjinja! #Psa 146,4; Liera 1,4 4Wiels 1.000 Joa sent bie die soo aus de jistasche Dach, dee vegonen es, ooda soolang aus een Nachtwajchta woakt. #2Pet 3,8 5Du fäachst de Menschen wajch aus en een Stroom; dee sent aus een Droom em Schlop. Zemorjes sent dee aus Graus daut fresch utlat; #(5 un 6) Psa 102,12; 103,15; Hiob 14,2; Jes 40,6; 1Pet 1,24-25 6zemorjes es daut jalsta un waust, un zeowes vewalkjt un vedrieecht daut.

7Daut moakt dien Oaja, daut wie soo omkomen, un diene Wutt, daut wie plazlich wajch motten. 8Du hast onse Gottloosichkjeiten un onse jeheeme Sinden ver die jestalt, soo daut du dee seenen kaust. 9Wie haben onse Läwestiet unja dien Oaja jeläft; wie schluten ons Läwen auf met een Jestän. 10Ons Läwen es hia 70 Joa, un wan daut huach kjemt, 80, un wan daut uk scheen jewast es, hab wie doch bloos von Mieej un Trua to räden; daut kjemt boolt to Enj un wie flieejen wajch. #Liera 1,3

11Wäa weet, waut dien Oaja utrechten kaun? Wiels diene Wutt es soo groot aus de Forcht, dee die traft. 12Lia ons bedenkjen, daut wie stoawen motten, daut wie kluak woaren. #Psa 39,5-7

13Oo Har! Woo lang noch? Drei die doch trigj no ons un hab Metleet met diene Deena! 14Har, jeff ons aul tiedich diene truhoatje Leew. Dan well wie die lowen un ons Läwenlank froo sennen. 15Moak ons nu krakjt soo lang froo aus du ons jeploacht hast, doano aus wie Joaren Ojjlekj jeläden haben. 16Lot diene Deena un äare Kjinja diene Woakjen un diene Harlichkjeit seenen. #Jes 5,12 17Mucht de Har, ons Gott, emma leeftolich to ons sennen, un daut Woakj daut wie doonen verwoats komen loten. Jo, lot onse Oabeit verwoats komen.

Currently Selected:

Psalmen 90: PB

Highlight

Compare

Copy