Psalmen 9

Gott sorcht fa daut rajcht

1Een Psalm von David, von de scheene Jugent, väatosinjen. 2Ekj dank die met mien gaunzet Hoat un woa von aul diene Wundawoakjen räden. #Psa 44,2 3Ekj woa mie freien un om dient haulwen froo sennen. Ekj sinj dienen Nomen to lowen, du Aulahechsta. 4Du hast miene Fiend trigj jejoacht; dee sent ver die jefollen un omjekomen.

5Du hast mien Rajcht un miene Sach opprajcht jehoolen; du sautst opp däm Troon. Du best jerajcht wan du rechst. 6Du hast de Velkja jeschullen. Du hast de gottloose omjebrocht. Du hast äaren Nomen opp emma un emma äwatsied jebrocht. 7Met de Fiend es opp emma oppjeriemt worden. Gott haft june Städa en de Grunt jebrocht, soo daut niemols mea aun dee jedocht woat. #Psa 34,17

8De Har oba blift eewich Kjennich; hee haft sienen Troon reedjemoakt toom rechten. 9Hee woat de Welt rajcht rechten, un aule Velkja opprechtich rejieren. 10De Har nemt de oame un unjadrekjte unja Schutz. Hee es een Schutz en aul äaren Trubbel. 11Un dee, dee dienen Nomen kjanen, woaren äa vetruen opp die saten, wiels du, Har, hast dee noch niemols em Stäakj jeloten, dee no die sieekjen. 12Loft dän Harn, dee en Zion wont. Sajcht de Velkja, waut hee jedonen haft. 13Hee, dee doa Rach eewen deit, haft nich de sienje vejäten. Hee vejat daut nich wan de oame schrieen. #1Mo 4,10; 9,5; 16,11; Psa 72,4

14Hab Metleet met mie! See emol waut miene Fiend mie fa Älent toosaten, oo Har, rad mie ut de Doodespuat rut, 15daut ekj aul daut vetalen kaun, wuafäa ekj die low, un daut ekj aun de Puat von Jerusalem stonen kaun un mie freien, daut du mie jerat hast. #Psa 13,6; 22,23 16De Velkja sent en dän Growen vesunken, dän see jegroft hauden. En daut Nat, daut see aundre jestalt hauden, schlenjden see äaren ieejnen Foot. 17De Har es aun siene jerajchte Jerechten to kjanen. De gottloose haben sikj en daut faustjerant, waut äare ieejne Henj jedonen haben.

18De gottloose un aule Velkja, dee Gott vejäten, sellen en daut Doodenrikj nenjebrocht woaren, 19wiels hee woat de oame nich gaunz vejäten, un de betrofne äare Hopninj woat nich eewich veloaren sennen. #Psa 22,25; 10,17 20Har, sto opp! Lot de Menschen nich de Äwahaunt haben; lot de Velkja ver die jerecht woaren. #4Mo 10,35 21Har, lot äwa de Velkja eene Forcht komen, daut see selfst enseenen, daut see mau Menschen sent.

Currently Selected:

Psalmen 9: PB

Highlight

Copy

Compare