Psalmen 10

Wuarom deit Gott nuscht doajäajen?

1Oo Har, wuarom steist du soo wiet auf? Un wuarom vestakjst du die wan doa Trubbel es? 2De gottloose en äa Stolt unjadrekjen de oame. Lot dee sikj selfst doarenn faust ranen, waut see jeplont haben. 3Wiels de gottloosa pucht doamet, waut sien Hoat velangt, un de Jiezja sajcht dän Harn auf un lastat äwa am. 4De gottloosa en sienem Stolt sieekjt nich no Gott; hee räakjent nich met Gott. 5Am jlekjt daut met aules waut hee deit. Gott siene Jesazen sent wiet bowa am, daut hee dee nich sitt; un waut siene Fiend aunbelangt, dee schnuzt hee auf. #Amos 6,3 6Hee sajcht sikj em Hoaten: Daut woat emma soo bliewen. Mie woat daut niemols aun waut fälen. #Psa 73,6-8 7Sien Mul es voll flieekjen, lieejen un aunschmäaren; Trubbel un Onheil ligjen am unja de Tung. #Reema 3,14 8Hee sett enne Darpa oppe Lua, de oschuldje heemlich omtobrinjen. Siene Uagen sieekjen emma no de helploose. 9Soo aus een Leiw en siene Gruft, luat hee em Jeheemen de Halploose to äwafaulen. Hee nemt dee faust en sien Nat un schlapt dee wajch. 10Hee vebrakjt de Halploose un schleit dee met Jewault dol. 11Hee sajcht sikj selfst: Daut haft Gott vejäten; hee kjikjt nich doano; dee woat daut niemols seenen. #Psa 73,11; 94,7; Jes 29,15

12Sto opp, oo Har! Oo Gott, häw diene Henj opp jäajen de gottloose un vejat de unjadrekjte nich. #4Mo 10,35 13Wuarom sull de gottloosa Gott lastren un sajen: Du frajchst no nuscht. 14Oba du, Gott, hast daut jeseenen, wiels du moakjst Trubbel un Älent om daut met diene Haunt trigjtotolen. De Halploose jäwen sikj die han. Du best de Weisenkjinja äare Helpa. #2Mo 22,22; Psa 68,6 15Bräakj däm gottloosen un däm schlajchten dän Oarm. Nemm am siene Krauft wajch. Brinj siene Gottloosichkjeit verendach, daut dee aula jestroft woat, bat du nuscht mea finjst. #Hiob 38,15

16De Har es Kjennich opp emma un emma. Dee, dee en sien Launt Aufjetta aunbäden, woaren omkomen. 17Har, du hast de unjadrekjte äa velangen jehieet. See sent sikj em Hoat secha daut dien Ua daut hieet, #Psa 9,19 18daut du de oame un de Weisenkjinja rajcht veschaufst, daut de Menschen nich mea tieraunisch met an omgonen.

Currently Selected:

Psalmen 10: PB

Highlight

Copy

Compare