Psalmen 8
8
Gott siene Harlichkjeit un de Iea von de Menschen
1Eent von David siene Psalmen opp de Jittoa väatosinjen. 2Oo Har, ons Har, woo harlich es dien Nomen en aule Lenda, du, dee em Himmel jeloft woascht! #2Mo 3,13-15 3Kjinja un Brostkjinja sinjen die to lowen. Du hast eene Wäa oppjerecht, diene Fiend un de rachjieeje äwatsied to schaufen. #Mat 21,16 4Wan ekj dän Himmel see, dän diene Finjasch jemoakt haben, un de Mon un de Stierns, dee du häajestalt hast, 5waut es een Mensch, daut du aun am denkjst, een Menschenkjint, daut du die daut aunnemst? #(5-7) Heb 2,6-8 6Du hast am nich väl weinja aus Gott jemoakt, un hast am met Iea un Harlichkjeit jekjreent. #1Mo 1,27 7Du hast am jemoakt Har to sennen äwa daut, waut diene Henj jeschaufen haben; du hast am aules unja de Feet jelajcht, #1Kor 15,27 8Schop un Rinda aulatoop, soogoa de wille Tieren, 9de Väajel en de Loft, de Fesch em Mäa, aules waut äare Wäaj em Mäa schwamt.
10 Har, ons Har, woo harlich es dien Nomen en aule Welt!
Currently Selected:
Psalmen 8: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
