Psalmen 87
87
Daut Birjarajcht en Zion
1Een Psalmleet von Korach siene Säns. De Staut steit opp fausten Grunt opp däm heiljen Boajch. 2De Har haft eene jratre Leew fa Zion met aul äare Puaten aus fa aul Jakob siene Städa. 3Un von die, Gottesstaut, woaren harliche Dinja jerät.
4Ekj woa von dee, dee mie en Ägipten un Babel kjanen, un uk von de veschiedne Menschen dee en Filistien, Tierus un Ätiopien jebuaren sent, dee mie kjanen, sajen: Dise sent hia jebuaren. #Psa 67,4-5 5Un von Zion woat jesajcht woaren: Disa un jane sent doa jebuaren, un daut de Aulahechsta selfst de Staut stoakj un secha moakt. 6Wan de Har de Velkja talt, schrift hee dee em Volkjsrejista en: Dise sent en Zion jebuaren. 7Dan woaren de Sinja uk de Fleetenspäla sajen: Aul miene Säajenskjwalen sent en die. #Psa 36,10
Currently Selected:
Psalmen 87: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
