Psalmen 85
85
Fräd fa Gott sien Volkj
1Een Psalm von Korach siene Säns, väatosinjen. 2Har, dee du dien Launt verhäa hast Jnod bewäsen un hast Jakob sien faustjenomnet Volkj trigj jebrocht, 3du vejeefst dien Volkj äare Gottloosichkjeit, un bedakjst äare Sinden. 4Du deetst don nich Rach eewen. Du hast die von dienen wutjen Oaja trigjetrocken. 5Stal ons wada häa, oo Gott, ons Heilant, un sie nich lenja vedrislich äwa ons. 6West du emma doll bliewen äwa ons, un dienen Oaja emma äwa onse Nokomen gonen loten? 7West du ons dan nich wada beläwen daut dien Volkj sikj äwa die freien kaun? 8Wies ons diene truhoatje Leew, oo Har, un lot ons diene Radunk seenen!
9Ekj woa doano horchen, waut Gott de Har sajen woat; hee vesprakjt ons, sien Volkj un siene heilje, Fräd, wan wie nich wada trigj no ons vedorwnet Läwen gonen. #Jer 29,11; Micha 5,4 10Hee es secha emma reed dee to halpen, dee am ferchten, daut en ons Launt Harlichkjeit wont, 11daut truhoatje Leew un Woarheit sikj trafen, un Jerajchtichkjeit un Fräd sikj kussen, 12daut de Menschen oppe Ieed bie de Woarheit bliewen un Gott en Jerajchtichkjeit vom Himmel kjikjt. 13De Har woat secha jäwen waut goot es, un ons Launt woat eene Arnt brinjen. 14Jerajchtichkjeit jeit ver am, un moakt fa am dän Wajch reed.
Currently Selected:
Psalmen 85: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
