Psalmen 84

Een velangen no Gott sien Tempel

1Een Psalm von Korach siene Säns, met de Jittoa väatosinjen. #1Chr 26,1 2Woo scheen sent diene Woninjen, Har, dee du aules rejieescht! 3Miene Seel velangt un bangt sikj no Gott siene Väahäw; mien Kjarpa un miene Seel juchen ut Freid, dän läwendjen Gott to seenen. #Psa 42,3 4Soogoa de Spoalinkj haft een Hus jefungen, un de Schwaulem een Nast, wua see äare junge haben kaun, dicht bie dien Aultoa, oo Har, dee du aules rejieescht, mien Kjennich un mien Gott. 5Woo jlekjlich sent dee, dee en dien Hus wonen: dee lowen die emma! #Psa 65,5

6Jlekjlich sent dee, dee äare Krauft en die finjen un von Hoaten en diene Wäaj waundlen. 7Wan see derch daut Jaumatol gonen, woat an daut voll Wotakjwalen woaren, un uk de tiedja Räajen woat de Jladen met Wota fellen. 8Dee woaren biem gonen emma stoakja, bat see ver äaren Gott en Zion stonen. 9Hia mien Jebäd, oo aulmajchtja Har Gott! Oo Jakob sien Gott, horch no mie! 10Oo Gott, kjikj ons Schilt, dienen jesaulften Kjennich, jenstich aun.

11Een Dach en diene Väahäw es bäta aus 1.000 sestwua. Ekj wudd leewa bie mien Gott sien Hus aun dee Däa oppaussen, aus en de gottloose äare Hiesa wonen. #Psa 27,4 12Wiels Gott de Har es Sonn uk Schilt. De Har jeft Jnod un Iea. Hee helt fa dee nuscht goodet trigj, dee opprechtich en siene Wäaj gonen. 13Oo Har, dee du aules rejieescht, jlekjlich es dee Mensch, dee sikj opp die velat.

Currently Selected:

Psalmen 84: PB

Highlight

Compare

Copy