Psalmen 83
83
Jebäd en Kjrichsjefoa
1Een Psalmleet von Asaf. 2Oo Gott, bliew nich stell, hool nich Fräd, Gott, bliew nich stell!
3Kjikj woo diene Fiend tooben, un woo dee, waut die nich lieden kjennen, de Kjap huach droagen. 4Lestich schluten see sikj heemlich toop jäajen dien Volkj; see beroden bie sikj, woo jäajen dee to gonen, dee du beschitzen deist. #Psa 35,20 5See sajen: Komt, well wie dee utroden, daut dee kjeen Volkj mea sent, daut aun dän Nomen Israel nich mea jedocht woat.
6See sent sikj unjarenaunda eenich jeworden, jäajen die to gonen. 7Daut sent de Edomita, de Ismaelita, de Moabita, de Hagarita, 8de Gebalita, de Amonita un Amalekita, de Filista un dee von Tierus. 9Assur haft sikj dee uk aunjeschloten, om Loot siene Kjinja to halpen.
10Vefoa met an soo aus du met de Midianiten deetst, un aus met Sisera un Jabin aum Kischon Riefa, #Rech 4,2.12-24; 7,14-15; Jes 9,3 11dee bie Endor omjebrocht worden un äare Kjarpa vekjeemen, daut see Mest fa de Ieed worden. 12Moak daut met äare väaschte, soo aus met Oreb un Seeb, aul äare väaschte, soo aus met Seba un Zalmunna, #Rech 7,25; 8,21 13dee doa säden: Well wie Gott sien Weidlaunt ennämen.
14Oo Gott, moak ut an een Wintkjriesel, soo aus Sprie em Wint. 15Aus Fia daut dän Woolt dolbrent, aus eene Flaum dee dän Boajch en Flaumen sat, 16soo sat du an too met dien Wada, soo enjst du an met dien Jewittastorm.
17Bedakj an daut Jesecht met Schaund, soo daut Menschen entlich no dienen Nomen sieekjen woaren, oo Har! 18Muchten dee emma en Schaund un Angst bliewen, un omkomen. 19Dan woaren see daut enseenen, daut du, dee du Har heeten deist, auleen de Aulahechsta en de Welt best! #Hos 12,6
Currently Selected:
Psalmen 83: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
