Psalmen 76
76
Gott es een Jewenna
1Een Psalmleet von Asaf, met Seidenspell väatosinjen. 2Gott es en Juda bekaunt, en Israel es sien Nomen groot. 3Hee wont en Jerusalem, siene Woninj es en Zion. #Psa 132,13 4Doa bruak hee de blitzende Feilen, de Schilten un Schwieed un de Kjrichsjewäaren. #Psa 46,10
5Du best harlicha un hecha erhowen aus de eewje Boaj. 6Stoakje Mana ligjen beraupt, un dee schlopen äaren latsten Schlop; nich een Kjrieja kaun siene Henj opphäwen. 7Wan du, Jakob sien Gott, schellen deist, ligjen de Pieed uk de Fuamana utjestrakjt stell.
8Eensich du best to ferchten. Wäa kaun ver die stonen, wan du doll best? 9Du latst dien Rechta Uadeel vom Himmel hieren. De Ieed fercht sikj un es stell, #Psa 46,11; Hab 2,20 10wan du, oo Gott, die oppmoakst to rechten un de unjadrekjte em Launt to raden. 11Du woascht uk jeloft woaren wan Menschen ut Wutt jäajen die tooben; du kaust uk dee trigjhoolen, dee dien Oaja derchmoaken un dan en diene Wäaj gonen wellen.
12Moakt Gott dän Harn jun Vespräakjen, un hoolt daut uk. Lot aule Nobalenda däm Jeschenkjen brinjen, dee to ferchten es, 13dee de aunjestalde dän Moot nemt, un dän de Kjennichs opp de Ieed ferchten.
Currently Selected:
Psalmen 76: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
