Psalmen 75
75
Gott kjemt Jerecht auftohoolen
1Een Psalmleet von Asaf, väatosinjen. 2Wie danken die, oo Gott, wie danken die. Diene Wundawoakjen bewiesen, daut dien Nomen dicht bie es. #1Sam 2,7
3Du sajchst: Ekj woa de rajchte Tiet bestemmen en dee ekj rechten woa, un ekj recht opprechtich. 4Wan uk de Ieed un aule Menschen doabowen schedren, hool ekj äare Dräaja aum Plauz.
5To de stolte säd ekj, see sullen nich mea puchen, un to de gottloose, see sullen äare Hieena nich opphäwen. 6Häft june Hieena nich nom Himmel opptoo, un rät nich soo dikjenekjich.
7Doa es kjeena em Oosten ooda em Wasten ooda en de Wiltnis, dee een Mensch erhäwen kaun. 8Oba daut es Gott, dee doa rechten deit; hee stalt eenem läach un dän aundren hecha.
9De Har haft en siene Haunt een Kuffel voll rooden, schumenden Wien, dän hee utjitt, un aule gottloose opp de Ieed drinkjen dän bat de latste Drepp. #Psa 60,5; Jer 25,15-16
10Ekj oba woa läweslank doavon räden, un Jakob sienen Gott met Leeda lowen. 11Hee woat de gottloose äare Krauft bräakjen, oba de jerajchte äare Krauft woat toonämen.
Currently Selected:
Psalmen 75: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
