Psalmen 70
70
Daut vetruen opp Gott saten
(Psa 40,14-18)
1Een Psalm von David, aus een Jedenkjopfa, väatosinjen. 2Spood die, oo Gott, un rad mie! Oo Har, komm schwind un halp mie. 3Muchten dee, dee mie nom Läwen stonen, sikj schämen un toschaund woaren; muchten dee, dee mie wellen en de Grunt brinjen, toschaund woaren un trigjedräwen woaren. 4Muchten dee, dee to mie sajen: Aha, Aha! äare Schaund seenen un trigj gonen. 5Oba muchten aul dee, dee die sieekjen, sikj to die freien un froo sennen; muchten dee, dee opp diene Radunk hoolen, emma sajen: Ons Gott es een groota Gott! 6Oba ekj sie oam un em Älent. Komm du schwind, oo Gott; du best mien Helpa un mien Rada. Oo Har, siem nich!
Currently Selected:
Psalmen 70: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
