Psalmen 67
67
Aule Velkja sellen Gott preisen!
1Een Psalmleet, met Seidenspell väatosinjen. 2Gott, schekj ons Jnod un Säajen, un kjikj ons frintlich aun, #4Mo 6,24-25 3daut diene Wäaj oppe Ieed bekaunt woaren, un diene Radunk mank aule Velkja. 4Muchten de Velkja die lowen, oo Gott; muchten aule Velkja die lowen.
5Muchten aule Velkja froo sennen un met Freiden sinjen, daut du de Menschen jerajcht rechten deist, un daut du de Velkja oppe Ieed rajcht fieren deist. 6Muchten de Velkja die lowen, oo Gott; muchten aule Velkja die lowen.
7Wiels daut Launt haft eene Arnt jebrocht, un Gott, ons Gott, haft ons jesäajent. #Psa 65,10 8Gott woat ons säajnen; doawäajen sull am aulemaun en de gaunze Welt aunbäden.
Currently Selected:
Psalmen 67: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
